73. Dövlət ümumi təhsil müəssisələrinin rəhbər işçiləri, inzibati, tədris-yardımçı və xidmət işləri üzrə ştatlar necə müəyyən edilir?
Cavab: Sinif komplektlərinin sayına uyğun olaraq müəyyənləşdirlir.
Ətraflı: “Azərbaycan Respublikası dövlət ümumtəhsil məktəblərinin, liseylərin və gimnaziyaların nümunəvi ştatları haqqında Azərbaycan Respublikası Nazirlər Kabinetinin Qərarı”
74. Ümumtəhsil məktəblərində tarifləşmə siyahısı kim tərəfindən hazırlanır?
Cavab: Məktəbin direktoru tərəfindən.
75. Yerli təhsili idarəetmə orqanlarının tabeliyindəki ümumtəhsil məktəblərinin tarifləşmə siyahısı kim tərəfindən təsdiq edilir?
Cavab: Yerli təhsili idarəetmə orqanlarının rəhbəri tərəfindən
76. Ümumtəhsil məktəblərində direktorun tədris (təlim-tərbiyə) işləri üzrə müavininin ştat vahidi hansı göstəriciyə uyğun müəyyən edilir?
Cavab: Sinif komplektlərinin sayına görə.
Ətraflı: “Azərbaycan Respublikası ibtidai, əsas, orta ümumtəhsil məktəblərinin, litseylərin və gimnaziyaların rəhbər işçilərinin, inzibati-təsərrüfat, tədris yardımçı və xidmət işçiləri heyətinin nümunəvi ştatları”
77. Məktəb direktoru və direktor müavinləri vəzifə funksiyalarının icrası ilə yanaşı, zərurət olduğu halda, ixtisası üzrə ən çoxu neçə saat dərs apara bilər?
Cavab: 12 saata qədər.
Ətraflı: “Təhsil, təlim-tərbiyə müəssisələrinin rəhbər, inzibati-təsərrüfat, tədris-köməkçi və digər
işçilərinin tutduqları vəzifə ilə yanaşı ixtisasları üzrə dərs yükü (pedaqoji iş) aparmaları haqqında Normalar”
78. Ümumi təhsil müəssisələrində direktorların vəzifə maaşı neçənci dərəcə ilə ödənilir?
Cavab:
Müəllimlərinin bilik və bacarıqlarının diaqnostik qiymətləndirilməsi keçirilmiş müəssisələrdə 18-ci dərəcə ilə.
Digər ümumtəhsil müəssisələrində direktorlar üçün əməyin ödəniş dərəcələri:
13-cü dərəcə- şagirdlərin sayı 100 nəfərədək olduqda;
14-cü dərəcə- şagirdlərin sayı 101- dən 300-dək olduqda;
15-ci dərəcə - şagirdlərin sayı 301- dən 800- dək olduqda;
16-cı dərəcə - şagirdlərin sayı 801- dən cox olduqda.
79. Ümumtəhsil məktəblərində direktor müavinlərinin əmək haqqı necə müəyyənləşdirilir?
Cavab: Direktorun vəzifə maaşından 10-15% aşağı vəzifə maaşı müəyyənləşdirilir.
80. Tam orta ümumtəhsil məktəblərində gənclərin çağırışaqədərki hazırlığı rəhbərinin əmək haqqı hesablanarkən hansı göstəricilər əsas götürülür?
Cavab:
81. GÇH rəhbəri həftədə nə qədər dərs apara bilər?
Cavab:
Cavab: Ümumtəhsil məktəblərində, litsey və gimnaziyalarda, peşə məktəbi və peşə litseylərində, hərbi rəhbərin hərbi hazırlıq üzrə həftədə 8 saata (ildə 360 saata) qədər tədris etdikləri dərs saatlarının əmək haqqı onların vəzifə maaşına daxil edilir və həmin saatlar üçün əlavə haqq ödənilmir. Hərbi rəhbərlərə haqqı vəzifə maaşına daxil olan saatlardan əlavə taarifləşmə siyahısına salınmaqla həftədə 12 saata (ildə 480 saata) qədər dərs yükü verilə bilər.
Ətraflı: “Təhsil, təlim-tərbiyə müəssisələrinin rəhbər, inzibati-təsərrüfat, tədris-köməkçi və digər işçilərinin tutduqları vəzifə ilə yanaşı ixtisasları üzrə dərs yükü (pedaqoji iş) aparmaları haqqında Normalar”
82. Müəllimlərin əmək haqqı hesablanarkən hansı göstəricilər əsas götürülür?
Cavab: Təhsili, stajı, dərs yükü
83. Müəllimin əmək haqqının ödəmə dərəcəsini müəyyənləşdirərkən hansı göstəricilər əsas götürüməlidir?
Cavab: Təhsili (ali və ya orta-ixtisas) və iş stajı (3 ildən az olanlar; 3 ildən 8 ilədək; 8 ildən 13 ilədək; 13 ildən 18 ilədək; 18 ildən yuxarı)
84. Hansı dərəcələr üzrə əməkhaqqı ödənilir?
Cavab: Ödəniş dərəcələrinə ixtisas tələbləri:
8-ci dərəcə: orta ixtisas təhsilli, iş stajına tələb qoyulmadan:
9-cu dərəcə: orta ixtisas təhsilli, 3 ildən 5 ilədək pedaqoji stajı olan və ya orta ixtisas təhsili müəssisələrini fərqlənmə diplomu ilə bitirən;
10-cu dərəcə: ali təhsilli, iş stajına tələb qoyulmadan; orta ixtisas təhsilli, 5 ildən 10 ilədək pedaqoji stajı;
11-ci dərəcə: ali təhsilli, 3 ildən 8 ilədək pedaqoji stajı olan və ya ali təhsil müəssisəsinin bakalavriat və ya magistratura səviyyəsini fərqlənmə diplomu ilə bitirən; orta ixtisas təhsilli. pedaqoji stajı 10 ildən 15 ilədək olan;
12-ci dərəcə: ali təhsilli, 8 ildən 13 ilədək pedaqoji stajı olan; orta ixtisas təhsilli, pedaqoji stajı 15 ildən çox olan;
13-cü dərəcə: ali təhsilli, pedaqoji stajı 13 ildən 18 ilədək olan;
14-cü dərəcə: ali təhsilli, pedaqoji stajı 18 ildən çox olan;
15-ci dərəcə: elmi dərəcəsi və ixtisası üzrə fənn tədris edən şəxslər; Azərbaycan Respublikasının fəxri adlarına layiq görülmüş şəxslər; dərslik və müəllim üçün metodik vəsait müəllifləri.
Ətraflı: “Təhsil sahəsi işçilərinin qulluqçu vəzifələrinin Vahid Tarif-İxtisas sorğu kitabçası Hiissə-75”
85. Müəllimlər həftədə neçə saat dərs apara bilər?
Cavab: 36 saat
Bilik və bacarıqlarının diaqnostik qiymətləndirilməsi keçirilmiş müəllimlərin dərs bölgüsü aparılarkən müəssisələrdə işləyən müəllim üçün həftəlik 1 (bir) stavka dərs yükü 18 saat (bu zaman həftəlik dərs yükü 2 (iki) stavkadan çox olmamalıdır), digər müəssisələrdə 12 saat (bu zaman həftəlik dərs yükü 2 (iki) stavkadan çox olmamalıdır) müəyyənləşdirlimişdir.
Ətraflı: “Azərbaycan Respublikası Təhsil Nazirliyi sisteminə daxil olan ümumi təhsil müəssisələrində və peşə liseylərində müəllimlərə tələbatın müəyyənləşdirilməsi, pedaqoji kadrların yerdəyişməsi və işə qəbulu Qaydaları”
86. Hazırda dərəcələr üzrə müəllimlərin əməkhaqqının miqdarı nə qədərdir?
Cavab:
Ətraflı: “Dövlət büdcəsindən maliyyələşdirilən sahələrdə çalışan işçilərin Vahid Tarif Cədvəli ilə müəyyən edilmiş aylıq tarif (vəzifə) maaşlarının tənzimlənməsi haqqında” AR NK-nin Qərarı
87. Ümumi təhsil müəssisələrində sinif rəhbərliyi kimlərə verilir?
Cavab: təşkilatçılıq bacarığı ilə seçilən, şagirdlərin təlim-tərbiyə işinin müasir tələblərini başqalarından daha yaxşı bilən, uşaqları ürəkdən sevən, onların müxtəlif yaş dövrünün dəyişkən psixoloji xüsusiyyətlərinə bələd olan müəllimlərə.
88. Bir müəllim neçə sinifdə sinif rəhbəri ola bilər?
Cavab: Müəllim yalnız bir sinifdə sinif rəhbərliyi apara bilər. Məktəbdə müəllimlərin sayı kifayət qədər olmadıqda Təhsil Nazirliyinin icazəsi ilə iki sinifdə sinif rəhbərliyi aparıla bilər.
Ətraflı: “Azərbaycan Respublikası Təhsil Nazirliyi sisteminə daxil olan ümumi təhsil müəssisələrində və peşə liseylərində müəllimlərə tələbatın müəyyənləşdirilməsi, pedaqoji kadrların yerdəyişməsi və işə qəbulu Qaydaları”
90. Ümumtəhsil məktəblərində ştat vahidi müəyyən edilərkən hazırlıq siniflərinin sayı nəzərə alınırmı?
Cavab: Xeyr.
91. Hazırlıq siniflərində dərs aparan müəllimlərə yazı işlərinin yoxlanılması üçün əlavə haqq ödənilirmi?
Cavab: Xeyr.
92. Ümumi təhsil müəssisələrində siniflərin komplektləşdirilməsi necə aparılır?
Cavab: Ümumtəhsil məktəblərində siniflər şagirdlərin sayı ən azı 20 nəfər olmaqla müəyyən edilir.
93. Ümumi təhsil müəssisələrində hansı fənlərin tədrisində siniflər iki qrupa bölünür?
Cavab:
- Təlim rus və gürcü dillərində aparılan ümumtəhsil məktəblərinin I-XI (birinci- onbirinci) siniflərində Azərbaycan dili (dövlət dili kimi).
- Təlim dilindən asılı olmayaraq, bütün ümumtəhsil məktəblərinin I-XI (birinci- onbirinci) siniflərində xarici dil, V-VII (beşinci-yeddinci) siniflərdə ikinci xarici dil.
- Bütün ümumtəhsil məktəblərinin V-XI (beşinci-onbirinci) siniflərində “Fiziki tərbiyə”, V-VII (beşinci-yeddinci) siniflərində “Texnologiya” (ikinci xarici dilə ayrılan saat hesabına tədris edilən “Texnologiya” dərsləri istisna olunmaqla), VIII (səkkizinci) sinifdə “Əmək hazırlığı”.
- Seçmə fənlərə ayrılan saatlardan 1 (bir) saat verilməklə “İnformatika” fənninin 2 (iki) saat tədris olunduğu ümumtəhsil məktəblərinin X-XI (onuncu-onbirinci) siniflərində həmin dərslər üzrə praktik məşğələlər.
Ətraflı: “Tədris Planına dair qeydlər”
94. Maddi-tədris baza və ixtisaslı müəllim kadrları olmaq şərtilə sinifdə şagirdlərin sayı neçə olduqda V- IX siniflər xarici dil, fiziki tərbiyə və əmək hazırlığı fənlərindən iki qrupa bölünür?
Cavab: Şagirdlərin sayı 20 və daha çox olduqda.
Ətraflı: “Tədris Planına dair qeydlər”
95. Eyni bir sinifdə şagirdlərin sayı 30 nəfərdən çox olduqda və ya şagirdlərin bir sinifdə tədrisinə sinif otağının ölçüsü imkan vermədikdə, həmin sinif üzrə ikinci paralel sinif təşkil edilə bilərmi?
Cavab: Bəli. Eyni bir sinifdə şagirdlərin sayı 30 nəfərdən çox olduqda və ya şagirdlərin bir sinifdə tədrisinə sinif otağının ölçüsü imkan vermədikdə, həmin sinif üzrə ikinci paralel sinif təşkil edilir.
Ətraflı: “Ümumtəhsil məktəbinin Nümunəvi Nizamnaməsi”
96. Ümumi təhsil müəssisəsində paraleli olmayan bir sinifdə şagirdlərin ümumi sayı 20 nəfərə çatmadıqda mövcud şagird sayı ilə sinif təşkil olunmasına yol verilirmi?
Cavab: Bəli, bir sinifdə şagirdlərin ümumi sayı 20 nəfərə çatmadıqda, mövcud şagird sayı ilə sinif təşkil olunmasına yol verilir.
Ətraflı: “Ümumtəhsil məktəbinin Nümunəvi Nizamnaməsi”
